პოლიტიკური პლაკატის სწორად შერჩეული დიზაინი, სლოგანი და ლიდერის იმიჯი არჩევნებში წარმატების მოპოვების ერთ-ერთი მნიშვნელოვანი ფორმულაა. რაც უფრო გასაგები და დამაჯერებელია დაპირება, მით უფრო მეტია გამარჯვების შანსი.
ვინ როგორ ცდილობდა ამომრჩევლის მოხიბვლას 1990- 2010 წლების არჩევნებში და როგორ იცვლებოდა პოლიტიკურ პლაკატებში გამოხატული წინასაარჩევნო რიტორიკა?
სამშობლოს სიყვარული და ქვეყნის დამოუკიდებობა 90-იანი წების წინასაარჩევნო კამპანიის მთავარი გზავნილებია. ბოლო ათწლეულის განმავლობაში დაბეჭდილი საარჩევნო დაპირებები კი ძირითადად სოციალურ-ეკონომიკურ საკითხებს ეხება.
იცვლებოდა საარჩევნო სლოგანებიც: “ენა, მამული, სარწმუნოება”, “ედუარდ შევარდნაძე: ძლევამოსილი საქართველოსათვის!”, “მილიონი სამუშაო ადგილი”, “საქართველო კორუფციის გარეშე”, “მრეწველობა გადაარჩვენს საქართველოს”, “დასაქმება და დაბალი ტარიფები”, “ერთად ვმართოთ საქართველო” და ა.შ.
წელს პოლიტიკურმა პლაკატებმა საქართველოს პარლამენტის ეროვნული ბიბლიოთეკის საგამოფენო დარბაზშიც შეაღწია, სადაც 14 სექტემბერს გამოფენა “პოლიტიკური პლაკატი – საქართველოს არჩევნების ისტორია” გაიხსნა.
გამოფენის ორგანიზატორი გახლდათ საქართველოს პარლამენტის ეროვნული ბიბლიოთეკა ფონდის “ღია საზოგადოება – საქართველო” მხარდაჭერით.
